සීරෝ චිත්‍රපටයේ රඟපෑ 'ශ්‍රී දේවි'
පසුගියදා ජීවිතක්ෂයට පත් වූ බොලිවුඩ් සිනමා නිළි ශ්‍රී දේවි අවසන් වරට රංගනයෙන් දායක වී ඇත්තේ ආනන්ද එල්. රායි විසින් අධ්‍යක්ෂණය කරනු ලැබු ‘සීරෝ’ චිත්‍රපටයේය. මෙහි ඇය ෂාරුක්, අනුෂ්කා හා කත්‍රිනා පෙනි සිටින ගීතයක් සඳහා ආරාධිත රංගනයක නිතර වී ඇති බව සඳහන් වේ. ශ්‍රී දේවි පෙනි සිටින මෙම ගීතයේ ආලියා භාට්, දිපීකා පදුකෝන්, කරිෂ්මා කපූර්, කාජල් හා රාණි මුභර්ජිද පෙනි සිටින බව සඳහන් වේ.
කෙසේ වෙතත්, ශ්‍රී දේවි යොදාගෙන චිත්‍රපට කිහිපයක් නිර්මාණය කරන්නට ඉදිරි මාස කිහිපයේදී චිත්‍රපට අධ්‍යක්ෂකවරුන් සැලසුම් කර තිබුණ බව බොලිවුඩ් සිනමා වෙබ් අඩවි වාර්තා කර සිටියි. එමෙන්ම මැයි මාසයේදී ප්‍රදර්ශනය වීමට නියමිතව තිබූ උමේෂ් සූක්ලාගේ ‘102 නොට් අවුට්’ චිත්‍රපටයේද ආරාධිත නර්තනයක් සඳහා ශ්‍රී දේවි සම්බන්ධ කර ගැනීමට සූදානම් කර තිබුණ අතර, ඇයගේ වියෝව හේතුවෙන් මේ වනවිට ‘102 නොට් අවුට්’ ශ්‍රී දේවි යොදාගෙන නිර්මාණය කරන්නට සැලසුම් කර තිබු ගීතයද ඉවත් කොට තිබෙන බව වාර්තා වේ.
