Saaravita.lk|| 'සිරෝ' රුසියාවේ තිරගත කරන්න සූදානම්

දෙසැම්බර් 21 වැනිදා බොලිවුඩයට සමානව ලොවපුරා ප්‍රදර්ශනය කිරීමට නියමිත ආනන්ද එල් රායිගේ ‘සීරෝ’ චිත්‍රපටය බොලිවුඩයේ තිරගත වන දිනයේදීම එය රුසියාවේද ප්‍රදර්ශනය කිරීමට තමා සැලසුම් කරමින් සිටින බව ‘සීරෝ’ චිත්‍රපටයේ ප්‍රධාන නළු චරිතයට පණ පොවන බොලිවුඩයේ කිං ඛාන් හෙවත් ෂාරුක් ඛාන් සිට ‘ටිවිටර්’ ගිණුම හරහා පවසා ඇත.

මිට මාස කිහිපයකට පෙරදී ජීවිතක්ෂයට පත්වූ ශ්‍රී දේවිගේ අවසන් රංගනය ඇතුලත් චිත්‍රපටය වන ‘සීරෝ’හි කත්‍රිනා කයිෆ් හා අනුෂ්කා ෂර්මාද රංගනයෙන් දායක වෙයි. ඊට අමතරව දිපීකා පදුකෝන්, කරිෂ්මා කපූර්, කාජල්, රාණි මුඛර්ජි, සල්මාන් ඛාන් ඇතුළු සුපිරි නළුනිළියන් පිරිසක් මෙහි ආරාධිත රංගනයන්හි නිරතවන බවට වාර්තා වේ.