'සික්‍රට් සුපර්ස්ටාර්' ලාභලබයි
රෝහිත් ෂෙට්ටිගේ ‘ගෝල්මාල් අගේන්’ චිත්‍රපටය තිරගත වූ දිනයේදීම තිරගත වූ අමීර් ඛාන්ගේ ‘සික්‍රට් සුපර්ස්ටාර්’ චිත්‍රපටය මේ වනවිට ඉහළ ලාභයක් ලැබූ බොලිවුඩ් චිත්‍රපටයක් බවට පත්ව ඇත. තිරගත වූ කාල සීමාවේදී ඉන්දීය රුපියල් කෝටි 113ක මුදලක් උපයාගන්නට සමත්ව තිබේ. ඉන් ඉන්දියාවෙන් පමණක් රුපියල් කෝටි 60ක මුදලක් උපයා ගැනීම විශේෂත්වයකි.
‘සික්‍රට් සුපර්ස්ටාර්’ අමිර් ඛාන්ගේ සිනමා නිෂ්පාදනයක් වන අතර, එය ඉන්දීය රුපියල් කෝටි 17ක් වැනි අඩු මුදලකින් නිර්මාණය වූවක් බව සඳහන් වේ. සිනමා විචාරකයන් පවසන්නේ අමීර් ඛාන්ගේ ‘දංගල්’ හා ‘පීකේ’ චිත්‍රපට වැඩි ආදායමක් ලබද්දී ‘සික්‍රට් සුපර්ස්ටාර්’ චිත්‍රපටය අඩු ආදායමක් ලැබීම පුදුමයක් බවය. කෙසේ වෙතත්, මෙම චිත්‍රපටය දැනට ඉන්දීය රුපියල් කෝටි 96ක ලාභයක් ලබා තිබේ.
YOU MAY ALSO LIKE
