සිංගම් 3 Facebook Live ඔස්සේ එළියට
සිංගම් චිත්‍රපටයේ තෙවැන්න අද ඉන්දියාවට සමගාමීව ලොව පුරා එළිදැක්විය. මෙම මංගල දර්ශනය නැරඹීමට බොහෝ දෙනා පැමිණි බව දමිල වෙබ් අඩවි වාර්තා කරනවා. සිනමාහල්වට පමණක් සීමා වූ මෙම චිත්‍රපටය අන්තර්ජාලය ඔස්සේ නැරඹූ බව ඇතැමුන් සඳහන් කර තිබුණා. මේ පිළිබඳව සොයා බැලීමේදී ඔවුන් සොයාගෙන ඇත්තේ මෙම චිත්‍රපටය නැරඹීමට පැමිණී පුද්ගලයෙකු විසින් Facebook Live හරහා සජීවීව අන්තර්ජාලයට එක්කොට ඇති බවයි.
එම වීඩීයෝව විශාල පිරිසක් නරඹා ඇති අතර, මේ වනවිට එම වීඩියෝව ෆේස්බුක් තුලින් ඉවත් කර ඇති බවයි වාර්තා වෙන්නේ. මෙවැනි ක්‍රියාවක් නැවත සිදු වූවෝත් නීතිමය ක්‍රියාමාර්ග ගන්නා බව එහි අධ්‍යක්ෂක වරයා සඳහන් කරයි.
සිංගම් චිත්‍රපටයේ තෙවැන්න පසුගියදා එළිදැක්විය. සූර්යා විසින් මෙහි ප්‍රධාන රංගනයෙන් දායක වන අතර, ඔහුත් සමග අනුෂ්කා ශෙට්ටි දායක වනු ලබයි. හරී විසින් අධ්‍යක්ෂණය කරනු ලැබූ මෙම චිත්‍රපටයේ නිෂ්පාදකවරයා ලෙස කටයුතු කරනු ලබන්නේ දවාල් ජයන්තිලාල් ගදා විසින්ය. සිංගම් පළමු සහ දෙවැනි චිත්‍රපටය විශාල ලෙස ආදායම් අතරට පැමිණි චිත්‍රපටයක් වූ අතර, මෙම චිත්‍රපටයත් එවැනි ලෙස ආදායම් අතරට පැමිණෙනු ලබන බව අධ්‍යක්ෂකවරයාගේ විශ්වාසයයි.
