සාරාට රොමැන්ටික් චිත්‍රපටයක්
‘කේදර්නාත්’ චිත්‍රපටය හරහා බොලිවුඩ් සිනමාවට පිවිසෙන සායිෆ් අලී ඛාන්ගේ දියණිය සාරා අලී ඛාන්ට මේ වනවිට චිත්‍රපට කිහිපයක් සඳහා එක්වීමට ආරාධනා ලැබි තිබේ. මේ දිනවල ඇය රෝහිත් ෂෙට්ටිගේ ‘සිම්බා’ චිත්‍රපටයේ අවසන් හඬකැවිම් කටයුතුවලට සහභාගි වෙමින් සිටින අතර, ඉදිරියේදී ඇය, ජනප්‍රිය යොවුන් බොලිවුඩ් සිනමා නළු කාර්තික් ආර්යන් තවත් චිත්‍රපටයක් සඳහා එක්වීඹට නියමිතව ඇත.
මෙම චිත්‍රපටය අධ්‍යක්ෂණය කරනු ලබන්නේ ජනප්‍රිය චිත්‍රපට කිහිපයක්ම අධ්‍යක්ෂණය කළ ඉම්ටියාස් අලි විසින් වන අතර, එය සුන්දර ආදර කතාවක් ඇතුලත් චිත්‍රපටයක් බව සඳහන් වේ. මෙම චිත්‍රපටයේ රූපගත කිරිම් කටයුතු ලබන වසරේදී ආරම්භ කිරීමට සූදානම් කර ඇති අතර, සාරා දෙසැම්බර් 07 වැනිදා ප්‍රදර්ශනය වන ‘කේදර්නාත්’ චිත්‍රපටයේ හා දෙසැම්බර් 28 වැනිදා ප්‍රදර්ශනය වන ‘සිම්බා’ චිත්‍රපටයේද ප්‍රචාරක කටයුතුවලට දායක වෙමින් සිටින බව සඳහන් වේ.
