සායිෆ්ට අමිර් ඛාන්ගේ පැසසුම්
ජනප්‍රිය නළු සායිෆ් අලී ඛාන් පෙනි සිටින ‘කාලකාන්දි’ චිත්‍රපටය මේ දිනවල අති සාර්ථක ලෙස ප්‍රදර්ශනය වෙමින් පවති. සායිෆ්ගේ මිතුරෙකු වන අමිර් ඛාන් මෙම චිත්‍රපටයේ සායිෆ් අලී ඛාන් ඉදිරිපත් කරන රංගනය පිළිබඳව සතුටට පත්ව ඔහුගේ ‘ටිවිටර්’ ගිණුම හරහා එම රංගනය පැසසුමට ලක් කර තිබේ.
අමිර් පවසන්නේ සායිෆ් කාලයකට පස්සේ ඉතා විශිෂ්ට රංගනයක නිරත වෙන බවය. ‘ඛාන්’ නළුවන් සමගින් රංගනයෙන් දායක වී ඇති සායිෆ් තවමත් ‘ඛාන්’ නළුවන් තරම් සුපිරි මට්ටමට පැමිණිමට නොහැකි වී ඇත.
සායිෆ් අලී ඛාන් අමිර් සමගින් ‘දිල් චතාහේ’ චිත්‍රපටයේද, සල්මාන් ඛාන් සමගින් ‘හම් සාත් සාත් හේ’ චිත්‍රපටයේද, ෂාරුක් කාන් සමගින් ‘කල් හෝනා හෝ’ චිත්‍රපටයේද රංගනයෙන් දායක වි ඇත. ඊට අමතරව මේ වන විට සුපිරි මට්ටමට ළඟා වෙමින් සිටින ආක්සේ කුමාර් සමගින් චිත්‍රපට 10කට අධික සංඛ්‍යාවක රංගනයෙන්ද දායක වි තිබේ.
