‘ස්ටුඩන්ට් ඔෆ් ද ඉයර්’ දෙවැන්න සමගින් ආලියා



Instagrame
Youtubejhj-New
Facebook
Twitter

2019-03-04-ent-05

කරන් ජෝයර්ගේ ‘ස්ටුඩන්ට් ඔෆ් ද ඉයර්’ චිත්‍රපටය හරහා බොලිවුඩ් සිනමාවට පැමිණි ආලියා භාට් මේ වනවිට බොලිවුඩ් ජනප්‍රියතම හා සුපිරිතම නිළියන් අතරට එක්ව සිටියි. මේ දිනවල ඇය නැවතත් ‘ස්ටුඩන්ට් ඔෆ් ද ඉයර්’ චිත්‍රපට කණ්ඩායම සමග එක්ව සිටින අතර, ඒ එහි දෙවැනි චිත්‍රපටයේ ඇතුලත් ගීතමය දර්ශනයක් සඳහාය.

ඇයට අමතරව 2012 වසරේ තිරගත වූ ‘ස්ටුඩන්ට් ඔෆ් ද ඉයර්’ චිත්‍රපටය තුළින් බොලිවුඩ් සිනමාවට පැමිණි වරූන් ධාවන්ද මෙහි ආරාධිත රංගනයක් සඳහා එක්වීමට බලාපොරොත්තුවෙන් සිටින බවට තොරතුරු ලැබේ. එහෙත්, එම චිත්‍රපටය හරහා බොලිවුඩ් සිනමාවට සම්බන්ධ වූ සිද්ධාර්ත් මල්හෝත්‍රා තවමත් මෙම චිත්‍රපටයට සම්බන්ධ වෙනවාද නැද්ද යන්න තිරණය කර නොමැති බව සඳහන් වේ. සිනමා විචාරකයන්ගේ අදහස නම් ආලියා භාට් සමග ඇති වීරසකවිම මත සිද්ධාර්ත් මෙම චිත්‍රපටයට එක්වීමට අකමැත්තෙන් පසුවන බවය.