සල්මාන්ගේ ප්‍රසංගයක් ලන්ඩනයේදී
බොලිවුඩ් සුපිරි නළු සල්මාන් ඛාන්ගේ නර්තන ප්‍රසංගයක් එළැඹෙන සති අන්තයේදී එංගලන්තයේ ලන්ඩන් නුවරදී පැවැත්වීමට නියමිතව ඇත. ‘ඩබාන්ග් - ද ටුවර්’ ලෙස නම් කර ඇති මෙම නර්තන ප්‍රසංගය සඳහා සල්මාන් සමගින් ඔහුගේ සොහොයුරු සොහේල් ඛාන්, සොනක්ෂි සින්හා, ප්‍රභු දේවා, ඩේෂි ෂා, සරෝජ් පංචාලි, ජැකලින් ෆර්නැන්ඩේස් හා යොවුන් ගායක කමල් ඛාන් හා රැප් ගායක බද්ශා එක්ව සිටිති.
එංගලන්තයෙන් ආරම්භ වන මෙම නර්තන ප්‍රසංගය පසුව ඔස්ට්‍රේලියාව, ඇමෙරිකාව, නවසීලන්තය, හොංකොං රටවලද පැවැත්වීමට නියමිතය. පසුගිය වසරේදීද මෙම ප්‍රසංගය සල්මාන් ඛාන් සංවිධානය කර තිබුණු අතර, එහිදී මැද පෙරදිග හා යුරෝපා රටවල් කිහිපයකදී මෙම ප්‍රසංගය පැවැත්වුණි. සල්මාන් වසර 12කට පසුව එංගලන්තයේදී මෙවැනි ප්‍රසංගයක් පැවැත්වීම විශේෂත්වයකි.
YOU MAY ALSO LIKE
