සල්මාන්ගේ ඉල්ලීමකට ඩේෂි 'රේස්' තුන්වැන්නට
2014 වසරේ තිරගත වූ සොහෙල් ඛාන්ගේ ‘ජායි හෝ‘ චිත්‍රපටය හරහා බොලිවුඩ් සිනමාවට පිවිසි ඩේෂි ෂා ලබන වසරේ ප්‍රදර්ශනය කිරීමට සැලසුම් කර ඇති ‘රේස්‘ තුන්වැනි චිත්‍රපටය සඳහාද සම්බන්ධ වීමට අවස්ථාවක් ලැබී තිබෙන බව සඳහන් වේ.
මෙසේ ඩේෂි ‘රේස්‘ තුන්වැනි චිත්‍රපටයට සම්බන්ධ වී ඇත්තේ එහි ප්‍රධාන චරිතයක් නිරූපණය කරන සල්මාන් ඛාන්ගේ ඉල්ලීමකට බව සඳහන් වේ. ‘රේස්‘ තුන්වැනි චිත්‍රපටය ‘රේමෝ ඩී සූසා අධ්‍යක්ෂණය කරන අතර, සල්මාන්, ජැකලින් හා සායිෆ් මෙහි ප්‍රධාන චරිත නිරූපණය කරති.
‘ජායි හෝ‘ චිත්‍රපටයට අමතරව පසුගිය කාලයේ අති සාර්ථක ලෙස තිරගත වූ ‘හේට් ස්ටෝරි‘ තුන්වැනි චිත්‍රපටය සඳහා ඩේෂි ෂා සම්බන්ධවී සිටියාය. කෙසේ වෙතත්, බොලිවුඩ් චිත්‍රපට සඳහා වැඩි දායකත්වයක් ඇය ලබා නොදුන්නද ඇය මේ දක්වා රඟපෑ ඇති කන්නඩ, දමිළ හා මලයාලම් චිත්‍රපට ප්‍රමාණය බොහෝය.
YOU MAY ALSO LIKE
