සල්මාන් එක්ක ඩිෂා පළමු වතාවට
ආදායම් උපයා ගැනීම අතින් අති සාර්ථක වූ ‘බාගී’ දෙවැනි චිත්‍රපටයේ ප්‍රධාන නිළි චරිතයට පණදුන් ඩිෂා පටානි තවත් නොබෝ දිනකින් රූපගත කරන්නට නියමිත අලි අබ්බාස්ගේ ‘භාරත්’ චිත්‍රපටයේ ප්‍රධාන නිළි චරිතයට තෝරා ගෙන ඇති බවට තොරතුරු වාර්තා වේ.
මෙහි ඇය සුපිරි නළු සල්මාන් ඛාන් සමගින් රංගනයේ යෙදෙන අතර, ඔහු සමගින් ඩිෂා චිත්‍රපටයක පෙනි සිටින පළමු අවස්ථාව මෙය වීම විශේෂත්වයකි. ඩිෂාට පෙර මෙම චරිතයට තෝරා ගෙන තිබුණේ ප්‍රියංකා චොප්රාය. නමුත්, ඇය හොලිවුඩ් නිර්මාණ සමගින් කාර්යබහුල වීම හේතුවෙන් ඇය මෙම චිත්‍රපට චරිතය ප්‍රතික්ෂේප කර ඇත.
මෙම චිත්‍රපට චරිතය ලැබීමත් සමග මාධ්‍යයට අදහස් දක්වමින් පවසා තිබුණේ තමාගේ කාලයක පටන් තිබු සිහිනයක් සඵල වූ බවය. එමෙන්ම සුපිරි නළු සල්මාන් වැන්නෙකු සමග චිත්‍රපටයක රඟපාන්න ලැබීමද තමාට එක්තරා විදිහේ වාසනාවක් බවද ඇය පවසා ඇත.
YOU MAY ALSO LIKE
