සල්මන් කුඹුරට බැහැලා
සල්මන් ඛාන් මේ දිනවල වාසය කරන්නේ ඔහුගේ පැන්වෙල් ගොවිපොළේය. එහි ගත කරන කාලය පිළිබඳ තොරතුරු හා වීඩියෝ ඔහු නිතරම සමාජජාලා වෙබ් අඩවිවලට එක් කරන්නේය. පසු ගියදා ඔහු එලෙස එක් කර තිබූ ඔහු ගොයම් පැළ සිටුවන වීඩියෝව නැරඹු අය කියන්නේ එය චිත්‍රපටියක දර්ශනයක් බඳු බවය. කොට කලිසමකින් සහ අත් නැති බැනියමකින් සැරසුණ ඔහු ගොවියන් හා හරිහරියට ගොයම් පැළ සිටුවන ආකාරය එහි දක්නට ලැබිණි. ඉනික්බිතිව සාමාන්‍ය ගොවියෙකු කරන්නාක් මෙන් ගලා යන දිය පහරකින් දෙපාවල මඩ සෝදා ගත්තේය.
කොවිඞ් වසංගතය සීඝ්‍රයෙන් පැතිර යමින් පවතින නිසා ඉන්දියාව තවමත් සාමාන්‍ය තත්වයට පත් වී නැත. එම නිසා සල්මන් රඟ පාන ‘රාදේ යුවර් මෝස්ට් වෝන්ටඞ් භායි ’ චිත්‍රපටිය ප්‍රදර්ශනය කිරීම කල් දමා තිබේ. ප්‍රභූ දේවාගේ නිෂ්පාදනයක් වන එහි දිශා පටානි, රන්දීප් හූඩා සහ ජැකී ෂ්රොෆ් ද රඟ පාති.
YOU MAY ALSO LIKE
