සද්ධා කපූර් වාසනාවන්තියක්ද?
‘ආෂික්‍යූ’ දෙවැනි චිත්‍රපටය හරහා අතිශය ජනප්‍රිය වූ සද්ධා කපූර් මේ වන විට තිරගත වන චිත්‍රපට කිහිපයකම දකින්නට ලැබේ. පසුගිය කාලයේ එතරම කතා බහට ලක් නොවු සද්ධා අති සාර්ථක චිත්‍රපට කිහිපයක් සඳහාම රංගනයෙන් දායක වූ නිළියක්ද වේ. ‘ආෂික්‍යු’ චිත්‍රපට ඉන්දීය රුපියල් කෝටි 88ක මුදලක් උපයාගත් නමුදු, ‘ඒක් විලන්’, ‘එනි බෝඩි කැන් ඩාන්ස්’ දෙවැනි චිත්‍රපටය, ‘ගර්ල් ෆ්‍රේන්ඩ්’, ‘බාගි’ චිත්‍රපට ඉන්දීය රුපියල් කෝටි 100කට වඩා වැඩි ආදායමක් උපයාගන්නට සමත් විය.
මේ වනවිට සද්ධා රංගනයෙන් දායක වන චිත්‍රපටයක් ඉන්දීය රුපියල් කෝටි 151ක ආදායමක් උපයා ගන්නට සමත්ව ඇත. ඒ අමර් කෞශික් අධ්‍යක්ෂණය කළ ‘ස්ටීරි’ චිත්‍රපටයයි. එමෙන්ම පසුගිය සැප්තැම්බර් 21 වැනිදා සද්ධා රංගන තවත් චිත්‍රපටයක් ප්‍රදර්ශනය වූ අතර, ඒ ‘බට්ටි ගුල් මෙටර් චාලෝ’ චිත්‍රපටයයි. එය තිරගත වූ දිනයේදීම ඉන්දීය රුපියල් කෝටි 6ක ආදායමක් උපයාගන්නට සමත් වි ඇත.
