'සචින්' මිලියන 15ක් නරඹලා
මැයි 26 වැනිදා බොලිවුඩයට සමගාමීව ලොවපුරා ප්‍රදර්ශනය වීමට නියමිත ‘සචින් - අ බිලියන් ඩ්‍රිම්ස්’ චිත්‍රපටයේ ප්‍රචාරක පටය පසුගියදා නිකුත් කරනු ලැබුවා. එය විනාඩි 15ක කාලයක් තුළදී මිලියන 15කට අධික අන්තර්ජාල පරිශීලකයන් පිරිසක් නරඹා ඇතැයි වාර්තා වෙනවා. ඉන්දීය ක්‍රිකට් ඉතිහාසයේ ප්‍රකටම චරිතය වන සචින් තෙන්ඩුල්කාර්ගේ ජීවිත කතාව අලළා සැකසුන මෙම චිත්‍රපටයේ සචින් ලෙස සචින් තෙන්ඩුර්කාර් රංගනයෙන් දායකවී සිටියා. ඔහුට අමතරව ඔහුගේ පුත් අර්ජුන් තෙන්ඩුර්කාර් දියණිය සාරා තෙන්ඩුර්කාර්ද, බිරිඳ අංජලි තෙන්ඩුර්කාර්ද රංගනයෙන් දායක වෙනවා. ඊට අමතරව මහේන්ද්‍ර සිං දෝණි, යුවරාජ් සිං ඇතුළු ක්‍රිකට් ක්‍රීඩකයෝ කිහිප දෙනෙකුද මෙහි දකින්නට ලැබෙනවා.
YOU MAY ALSO LIKE
