ෂාරුක්, සල්මාන්ගේ ‘ටියුබ්ලයිට්’ සමග
සුපිරි බොලිවුඩ් සිනමා නළු සල්මාන් ඛාන් මේ වසරේ රංගනයෙන් දායක වන පළමු චිත්‍රපටය වන කබීර් ඛාන්ගේ ‘ටියුබ්ලයිට්’ චිත්‍රපටය එළැඹෙන ජුනි 08 වැනිදා ප්‍රදර්ශනය ආරම්භ කිරීමට නියමිතව ඇත.
පසුගිය කාලයේ මෙම චිත්‍රපටයට ෂාරුක් ඛාන් සම්බන්ධ වන බවට තොරතුරු ලැබුණද චිත්‍රපට අධ්‍යක්ෂක කබීර් ඛාන් පැවසුවේ එවැන්නක් සිදු වී නොමැති බවයි.
එහෙත්, පසුගියදා සිය ‘රායිස්’ චිත්‍රපටයේ ප්‍රචාරක කටයුත්තක් සඳහා ‘බිග් බොස්’ වැඩසටහනට එක්වෙමින් ෂාරුක් පවසා තිබුණේ, සල්මාන් ඛාන් තමාට ඔහුගේ ‘ටියුබ්ලයිට්’ චිත්‍රපටයට සම්බන්ධ වීමට ආරාධනාවක් කළහොත් එය ඉතා සතුටින් භාරගන්නා බවයි.
ඔවුන් දෙදෙනා මීට පෙර ‘කරන් අර්ජුන්’ හා ‘හම් තුම්හාරේ හේ සනම්’ චිත්‍රපටවල රංගනයෙන් දායකවී තිබුණි.
YOU MAY ALSO LIKE
