Saaravita.lk|| ශිල්පා ෂෙට්ටි නැවතත් සිනමාවට

90 දශකයේ බොලිවුඩ් සිනමාවේ සිටි අතිශය ජනප්‍රිය යොවුන් සිනමා නිළියක් වන ශිල්පා ෂෙට්ටි නැවතත් බොලිවුඩ් සිනමාවට එක්වීමට නියමිතව ඇත. ඒ ප්‍රියදර්ශන් විසින් අධ්‍යක්ෂණය කරන ‘හංගමා -2’ චිත්‍රපටය තුළිනි. 2003 වසරේ තිරගත වූ ‘හංගමා’ චිත්‍රපටයේ දෙවැනි කොටස ලෙස නිර්මාණය වී ඇති මෙහි පළමු ‘හංගමා’ චිත්‍රපටයේ රඟපෑ පරේෂ් රාවල් මෙහි ප්‍රධාන චරිතය නිරූපණය කරනු ලබයි. ඔහුගේ පෙම්වතිය ලෙස පෙනී සිටින්නේ ශිල්පා ෂෙට්ටිය. ඇය මෙසේ බොලිවුඩ් චිත්‍රපටයක රංගනයෙන් දායක වන්නේ 2007 වසරේන් පසුව වීම විශේෂත්වයකි. ‘හංගමා - 2’ චිත්‍රපටය මේ වසරේ අගෝස්තු 20 වැනිදා ප්‍රදර්ශනය වන අතර, ඇය පෙනී සිටින ‘නිකම්මා’ චිත්‍රපටයද මේ වසරේදී ප්‍රදර්ශනය වීමට නියමිතව ඇත.