වාර්තා පිට වාර්තා තබන 'තග්ස් ඔෆ් හින්දුස්තානි'
නොවැම්බර් 08 වැනිදා බොලිවුඩයට සමාගමිව ලොවපුරා ප්‍රදර්ශනය වූ විජය කිෂ්ණන් ආචාරියාගේ ‘තග්ස් ඔෆ් හින්දුස්තානි’ චිත්‍රපටය මේ වනවිට වාර්තා බිඳ දමමින් තිරගත වන්නේය. තිරගත වූ පළමු දිනයේදීම ඉන්දියාවේ පමණක් ඉන්දීය රුපියල් කෝටි 50ක ආදායමක් උපයා ගන්නට සමත් වූ මෙම චිත්‍රපටය 2014 වසරේ තිරගත වු ‘හැෆි නිව් යර්’ චිත්‍රපටය විසින් පළමු දිනයේදී උපයාගත් ඉන්දීය රුපියල් කෝටි 44.5ක වාර්තාව බිඳ දමන්නට සමත් විය.
දින තුනක් ගෙවෙද්දි ඉන්දීය රුපියල් කෝටි 100ක ආදායමක් ඉන්දියාවේ උපයාගන්නට සමත්ව ඇති මෙම චිත්‍රපටය ලෝකය පුරා ප්‍රදර්ශනය වෙමින් සිය ආදායම් උපයා ගැනීම ඉන්දීය රුපියල් කෝටි 200ක් දක්වා වර්ධනය කරගන්නට සමත්ව ඇත. සිනමා විචාරකයන් පවසන්නේ මෙම චිත්‍රපටය රන්බීර් කපූර්ගේ ‘සංජූ’ චිත්‍රපටයත්, ෂාහිඩ්, දිපීකා හා රන්වීර් රඟපෑ ‘පද්මාවත්’ චිත්‍රපටයත් උපයාගත් ආදායම ඉතා පහසුවෙන් ඉක්මවා යනු ඇති බවය.
