වසර අටකට පසුව අමිර්ගේ චිත්‍රපටයක් ෆේල්
බොලිවුඩ් සිනමාවේ වර්තමානයේ සිටින සුපිරි නළුවන් කිහිප දෙනා අතර අමිර් ඛාන්ට හිමිවන්නේ සුවිශේෂි තැනකි. පසුගිය වසර කිහිපය ගත්හොත් අමිර් ඛාන් රංගනයෙන් දායක වූ සියලු චිත්‍රපට අති සාර්ථක ඒවා බවට පත් විය. ඉන්දියාවේ තිරගත වූ චිත්‍රපට අතරින් වැඩිම ආදායමක් උපයාගත් චිත්‍රපටයද වන්නේ අමිර් රඟපෑ ‘දංගල්’ චිත්‍රපටයයි.
එමෙන්ම ‘පිකේ’, ‘ඩුම්’ තුන්වැන්න, ‘සික්‍රට් සුපර්ස්ටාර්’ වැනි ඉහළම ආදායමක් උපයාගත් චිත්‍රපටද අමිර්ගෙ ඒවාය. පසුගිය වසර කිහිපයේදී ජනප්‍රිය තලයේ උපරිමයට ගිය අමිර්ට මේ වසර එතරම් සාර්ථක වී නොමැත. ඒ අමිර් මේ වසරේ රංගනයෙන් දායක වූ එකම චිත්‍රපටය ‘තග්ස් ඔෆ් හින්දුස්තානි’ චිත්‍රපටයට සිය වියදම් මුදල පවා සොයා ගැනීමට නොහැකිව අසාර්ථක විය. අමිර්ගේ චිත්‍රපටයක් මෙසේ අසාර්ථක එකක් වූයේ වසර අටකට පසුව වීම විශේෂත්වයකි.
YOU MAY ALSO LIKE
