වසර 20ක් බාල ජනප්‍රිය නිළියට පෙම්බඳින Tom Cruise
මුළු ලෝකයම ආදරේ කරන 58 හැවිරිදි Tom Cruise ගැන නිරන්තරයෙන්ම එක එක කතා ඇහෙනවා. මේ කියන්න යන්නේ ඔහුගේ අලුත්ම ආදරේ ගැනයි. මේ වෙද්දී කොවිඩ් 19 නීති කඩකරමින් රූගත කෙරෙන Mission Impossible චිත්‍රපට මාලාවේ 7 වන කොටසේ රංගනයෙන් දායක වෙන Hayley Atwell තමයි ඔහුගේ අලුත්ම පෙම්වතිය.
හොරෙන් හොරෙන් ආදරේ කරපු මේ දෙන්නා දැන් එළිපිට ආදරේ කරනවා කියලයි විදෙස් මාධ්‍ය වාර්තා කරන්නේ. කොහොම නමුත් මේ දෙන්නා මේ වෙද්දී විවාහ ගිවිසගෙන ඉන්නේ කියන කතාව හා දෙන්නා අතර තියෙන ආදර සම්බන්ධය දෙන්නම මාධ්‍යට වසන් කරන බවත් එය අසත්‍ය කතාවක් බවත් මාධ්‍යට පවසා තිබෙනවා. පසුගිය සති කිහිපයේම එකට දකින්න ලැබුණු නිසා ඒ වගේ කතාවක් ගොතන්නට ඇති බවත් ඔවුන් පවසා තිබෙනවා. කෙසේ නමුත් මේ වෙද්දී මේ දෙන්නා එකට ජිවත් වෙන බවයි පැවසෙන්නේ.
Mimi Rogers සමඟ 1987 වර්ෂයේ විවාහ වෙන ටොම් ඇය සමඟින් වසර 3ක් විවාහ ජීවිතය ගත කර ඇයගෙන් දික්කසාද වී දික්කසාද වූ වර්ෂයේම එනම් 1990 දී Nicole Kidman සමඟින් විවාහ වෙනවා. ඇයගෙන්ද ඔහු 2001 වර්ෂයේදී දික්කසාද වී Katie Holmes සමග විවාහ වෙනවා. 2006 සිට 2012 වර්ෂය දක්වා ඔවුන්ගේ විවාහ ජිවිතේ ගෙවෙන අතර ඇයගෙන්ද දික්කසාද වෙන ටොම් ජනප්‍රිය නිලියන් කිහිපදෙනෙක් සමඟම ආදර සම්බන්ධතා පවත්වා ඇති බවත් විදෙස් මාධ්‍ය සඳහන් කරනවා. මේ වෙද්දී ඔහු ආදරේ කරන බ්‍රිතාන්‍ය ඇමරිකානු සම්භවයක් ඇති ජනප්‍රිය 38 හැවිරිදි නිලි Hayley Atwell ව විවාහ කරගනීවි යැයිද පැවසෙනවා.
