වරූන්, ආලියා විශේෂ ගීතයකට
නොවැම්බර් 23 වැනිදා ප්‍රදර්ශනය කිරීමට නියමිත කරන් ජෝහර්ගේ ‘ස්ටුඩන්ට් ඔෆ් ද ඉයර්’ දෙවැනි චිත්‍රපටය සඳහා එහි පළමු චිත්‍රපටයට රංගනයෙන් දායක වු වරූන් ධාවන් හා ආලියා භාට් යොදා විශේෂිත ‘අයිටම්’ ගීතයක් නිර්මාණය කරන්නට සූදානම් කර තිබෙන බව සඳහන් වේ. ටයිගර් ෂෙරොෆ් හා ආන්යා පාණ්ඩේ ප්‍රධාන චරිත නිරූපණය කරන මෙම චිත්‍රපටයේ තවත් නවක හා ප්‍රවිණ නළුනිළියන් රැසක් මෙහි රංගනයෙන් දායක වේ.
වරූන්, ආලියා මෙන්ම සිද්ධාර්ත් මල්හෝත්‍රාද ‘ස්ටුඩන්ට් ඔෆ් ද ඉයර්’ චිත්‍රපටයේ පළමු කොටස සඳහා රංගනයෙන් දායක වූ අතර, සිද්ධාර්ත්ව සම්බන්ධ නොකර කරන් ජෝහර් වරූන් හා ආලියා යොදාගෙන මෙම විශේෂිත ගීතය නිර්මාණය කරන්නට කටයුතු කර තිබීම විශේෂත්වයකි.
YOU MAY ALSO LIKE
