වත්සල් - ඉෂිතා විවාහ වෙයි
හිරු රූපවාහිනි නාලිකාවේ විකාශය වූ ‘සුළඟ වගේ ඇවිදින්’ ඉන්දීය ටෙලි නාට්‍යයේ ප්‍රධාන නළු චරිතයට පණ පොවනු වත්සල් සේත් පසුගියදා විවාහ විය. ඒ එම ටෙලි නාට්‍යයේම ‘අරුන්දති’ ටෙලි ප්‍රධාන නිළි චරිතයට පණ පෙවු ඉෂිතා දත්තා සමගය. මුම්බායි නගරයේ තරු හෝටලයක පැවැති මෙම විවාහය උත්සවය සඳහා ඉන්දීය සිනමා නළු නිළියන් මෙන්ම රූපවාහිනි නළු නිළියන්, අධ්‍යක්ෂවරුන් හා දේශපාලඥයන් කිහිප දෙනෙක්ද සහභාගී වූහ.
වත්සල් සේත් යනු ජනප්‍රිය බොලිවුඩ් සිනමා නළුවෙකු වන අතර, ඔහුගේ පළමු බොලිවුඩ් චිත්‍රපටය වූයේ 2004 වසරේ තිරගත වූ ‘ටාසන් ඊන් ද වොන්ඩර් කාර්’ චිත්‍රපටයයි. එහි ඔහු සමගින් ප්‍රධාන නිළි චරිතයට පණ පොවනු ලැබුවේ අයේෂා ටාකියාය. මේ වනවිට බොලිවුඩ් චිත්‍රපට 10කට වඩා වැඩි ප්‍රමාණයක රංගනයෙන් දායක වී ඇති වත්සල්, අවසන් වරට රංගනයෙන් දායක වූයේ සුපිරි බොලිවුඩ් නළු සල්මාන් ඛාන් නිෂ්පාදනය කරනු ලැබු ‘ජායි හෝ’ චිත්‍රපටයේය. මේ වනවිට වත්සල් වැඩි දායකත්වයක් ලබාදී ඇත්තේ ඉන්දීය ටෙලි නාට්‍යය සඳහාය.
