'ලව්රාත්‍රි' ප්‍රථම ප්‍රචාරක දැන්වීම
සුපිරි නළු සල්මාන් ඛාන් විසින් නිෂ්පාදනය කරන ‘ලව්රාත්‍රි’ චිත්‍රපටයේ පළමු ප්‍රචාරක දැන්වීම මේ වනවිට නිකුත් කර තිබේ. සල්මාන්ගේ නැඟණිය වූ ආර්පිතා ඛාන්ගේ විවාහක සැමියා වූ අයුෂ් ෂර්මා මෙහි ප්‍රධාන චරිතයට පණ පොවන අතර, ඔහු සමගින් නවක නිළි වරිණා හුසේන් රංගනයේ යෙදේ. මොවුන් දෙදෙනාගේම කුළුඳුල් බොලිවුඩ් සිනමා රංගනයද මෙය වීම විශේෂත්වයකි.
සූන්දර ආදර කතාවක් පදනම් කරගෙන නිර්මාණය කර ඇති මෙම චිත්‍රපටය මේ වසරේ අගභාගයේදී බොහෝ විට ප්‍රදර්ශනය කරනු ඇතැයි සිනමා විචාරකයින් පවසයි. ‘සන්ටා බන්ටා’ වෙබ් අඩවිය සමග එක්වෙමින් සල්මාන් පවසා තිබුණේ මෙම චිත්‍රපටය මේ වසරේ ඔක්තෝබර් 05 වැනිදා ඉන්දියාවට සමගාමිව ලොවපුරා ප්‍රදර්ශනය කරන්නට සූදානම් කර ඇති බවය.
YOU MAY ALSO LIKE
