Saaravita.lk|| ‘ලව් ආජ් කල්’ දෙවැන්නේ ගීතයක් නිකුත් කරයි

පෙබරවාරි 14 වැනිදා ‘ආදරවන්තයන්ගේ දිනයේදී’ ප්‍රදර්ශනය කිරීමට නියමිත ඉම්ටියාස් අලීගේ ‘ලව් ආජ් කල්’ දෙවැනි චිත්‍රපටයේ ගීතයක් පසුගිය සති අන්තයේදී නිකුත් කර ඇත. ‘ශායද් මෙරේ’ නම් වූ මෙම ගීතය ලියා ඇත්තේ ඉර්ෂාන් කාමිල් විසිනි. සංගීතය ප්‍රිතම් චක්‍රබෝර්තිගෙන් වන අතර, ගීත ගායනයෙන් අර්ජිත් සිං ගෙනි.

කාර්තික් ආර්යන් හා සාරා අලී ඛාන් විසින් මෙම ගීතයේ පෙනී සිටින අතර ඔවුන් දෙදෙනා චිත්‍රපටයේද ප්‍රධාන චරිතවලට පණ පොවයි. ‘ලව් ආජ් කල්’ පළමු චිත්‍රපටයේ සාරාගේ පියා වූ සායිෆ් අලී ඛාන්, දිපීකා පදුකෝන්, ඩියානා පෙනට් හා රන්දිප් හොන්ඩා රංගනයෙන් දායක වූ නමුදු ‘ලව් ආජ් කල්’ දෙවැන්නේ පෙනි සිටින්නේ රන්දිප් හොන්ඩා පමණක් වීම විශේෂත්වයකි.