'ලයිෆ් ටයිම්' සම්මානය අනුපම්ට
තායිලන්තයේ බැංකොක් නගරයේදී ජුනි 20 වැනිදා පැවැත්වෙන 19 වැනි ‘අයිෆා’ සිනමා සම්මාන උළලේදී ජිවීතයට එක්වරක් පිරිනැමෙන ‘ලයිෆ් ටයිම්’ සම්මානය ජනප්‍රිය බොලිවුඩ් සිනමා නළු අනුපර් කේර්ට ලබාදීමට සංවිධායක මණ්ඩලය සැලසුම් කර ඇත. මීට වසර 34කට පෙර හින්දි සිනමාවට එක්වූ අනුපම් කේර් මේ දක්වා දායක වී ඇති ඉන්දීය චිත්‍රපට ප්‍රමාණය සියයකට අධික වේ.
එමෙන්ම වසරේ හොඳම නළුවා ලෙස ‘නිව්ටෝන්’ චිත්‍රපටයේ රගපෑ රාජ්කුමාර් රාඕ නිර්දේශ වී ඇති අතර, ඔහු ‘බර්ලී කී බර්ෆි’ චිත්‍රපටය හරහා හොඳම සහය නළුවා ලෙසද ‘අයිෆා’ සම්මාන උළලේදී නිර්දේශ වී තිබීම විශේෂත්වයකි. එමෙන්ම කාලයකට පසුව ආක්ෂේ කුමාර් හොඳම නළුවා ලෙස නිර්දේශ වී ඇති අතර, ‘ටොයිලට් ඒක් ප්‍රේම් කතා’ චිත්‍රපටයේ කළ රංගනය වෙනුවෙනි.
YOU MAY ALSO LIKE
