ලක්ෂ්මි සියලුම ආදායම් වාර්තා බිඳ දමයි
ආක්ෂේ කුමාර් සමග කයාරා අද්වානි රංගනයේ යෙදෙන ලක්ෂ්මි චිත්‍රපටය පසුගියදා අන්තර්ජාලයට මුදාහැර ඇති අතර චිත්‍රපටය නිකුත් වීමෙන් පැය කිහිපයක් ඇතුළත එතෙක් පැවති සියලූම ප්‍රේක්ෂක වාර්තා බිඳ දැමීමට සමත්ව ඇතැයි වාර්තා වේ.
චිත්‍රපට බෙදාහරින සමාගමක් වන ඩිස්නි හොස්ට් ස්ටාර් සඳහන් කරන අන්දමට චිත්‍රපටය නිකුත් වී පැය කිහිපයක් ඇතුළත වෙනත් බොලිවුඩ් බ්ලොක්බාස්ටර් විසින් පිහිටුවන ලද සියලූම වාර්තා බිඳ දැමීමට ලක්ෂ්මි සිනමාපටය සමත්ව ඇති බව ඔවුන් මේ පිළිබඳ සමාජ මාධ්‍යයන් ඔස්සේ ද සටහන් තබා ඇත.
රාගවා ලෝරන්ස්ගේ අධ්‍යක්ෂණයක් වන ලක්ෂ්මි සිනමාපටය මීට පෙර ඔහු විසින්ම අධ්‍යක්ෂණය කළ දමිළ චිත්‍රපටයක් වූ කාංචනා සිනමා පටයේ හින්දි භාෂාවෙන් කළ ප්‍රතිනිර්මාණය සේ සැලකේ.
ලක්ෂ්මි සිනමාපටයේ ආක්ෂේ කුමාර් අර්ධ කාන්තා චරිතයක ප්‍රබල නිරූපණයක යෙදෙන අතර අයේෂා රාසා, ශරද් කෙල්කාර්, තරුන් අරෝරා, අශ්වින්, රාජේෂ් ශර්මා ඇතුළු ශිල්පීන් චරිත නිරපණය කරයි.
කාංචනා චිත්‍රපටය සිංහලට ප්‍රතිනිර්මාණය වූයේ මායා යන නමිනි.
