'රොක්ගේ' තවත් හොලිවුඩ් චිත්‍රපටයක්
මල්ලවපොර ශූරයෙකු ලෙස ජනප්‍රිය වූ ඩිවෝන් ජෝන්සන් වර්තමානයේ බොහෝ දෙනෙකුගේ ආදරය දිනා ඇත්තේ සුපිරි හොලිවුඩ් නළුවෙකු ලෙසිනි. ලොව වැඩිම ආදායමක් උපයන හොලිවුඩ් නළුවන් කිහිප දෙනා අතර සිටින ඩිවෝන් ජොන්සන් මේ වසරේ රංගනයෙන් දායක වූ ‘රැම්පේජ්’ චිත්‍රපටය ආදායම් උපයා ගැනීම අතින් ඉහළ සාර්ථකත්වයක් හිමිකරගත් චිත්‍රපටයක් විය. ඊට පෙර තිරගත වූ ‘ජූමන්ජි - වෙල්කම් ටූ ද ජංගල්’ චිත්‍රපටය මේ වනවිටද ලොවපුරා ප්‍රදර්ශනය වන අතර, එය උපයාගත් මුදල ඇමෙරිකානු ඩොලර් මිලියන 962කි.
එළැඹෙන ජුලි 13 වැනිදා ඩිවෝන්ගේ අලුත්ම චිත්‍රපටයක් ප්‍රදර්ශනය වන අතර, ඒ ‘ස්කයිස්කැපර්’ චිත්‍රපටයයි. රොව්සව් ටර්බර්ගේ අධ්‍යක්ෂනයක් වන මෙහි ඩිවෝන් ජොන්සන් සමගින් නෙවී කැම්බල්, චින් හාන්, රෝලන්ඩ් මෝලර් වැනි ජනප්‍රිය හොලිවුඩ් නළුනිළියන් රැසක් රංගනයෙන් එක්ව සිටියි. වෙනස්ම ආරේ කතා පුවතක් රැගත් මෙම චිත්‍රපටය ආදායම් උපයා ගැනීම අතින් අති සාර්ථකවනු ඇතැයි සිනමා විචාරකයන් පවසයි.
