'රේස්' තෙවැන්නේ ප්‍රචාරකපටය එළිදකී
ඉන්දියානු සිනමාවේ දැවැන්ත නිර්මාණයක් ලෙස සැලකෙන රේස් චිත්‍රපට මාලාවේ තෙවැනි නිර්මාණයේ ප්‍රචාරකපටය පසුගියදා (15දා) එළිදැක්වීය. මෙම චිත්‍රපටය ජූනි මාසයේ තිරගත වීමට නියමිතය. රේස් 1 සහ 2 හි ප්‍රධාන චරිතය සයිෆ් අලිඛාන්ට හිමි වූ අතර, රේස් තෙවැන්නේ ප්‍රධාන චරිතය හැඩකරනු ලබන්නේ සල්මන් ඛාන් විසිනි. සල්මන් ඛාන් සමග ජැකලින් ෆර්නැන්ඩස්, අනිල් කපූර්, බොබි ඩියෝල්, ඩේසි ෂා සහ සකීබ් සලීම් මෙහි ප්‍රධාන චරිත හැඩගන්වයි. මෙම චිත්‍රපටයේ එක් ගීතයක් පමණක් අඩංගු වීමත් විශේෂ කරුණක් බව සඳහන් වේ. රේස් තෙවැන්න පූර්ණ වශයෙන් ත්‍රාස්‍යජනක චිත්‍රපටයක් වීම එයට හේතුව බවයි වැඩිදුරටත් සඳහන් වන්නේ.
YOU MAY ALSO LIKE
