රිහානා සුපිරි ‘මාවල්’ චිත්‍රපටයකට
ජැමෙයිකානු සම්භාවයක් ඇති ඇමෙරිකානු පොප් ගායිකා රිහානා සුපිරි ‘මාවල්’ චිත්‍රපටයක් වන ‘බ්ලැක් පැන්තර්’ දෙවැන්න සඳහා එක්වෙන බවට මේ වනවිට රාවයක් පැතිර යයි. මේ වසර මුලදී ‘බ්ලැක් පැන්තර්’ චිත්‍රපටයේ ප්‍රධාන චරිතයට පණදුන් චැඩ්වික් බොස්මන්ගේ අභාවය නිසාවෙන් දැනට මෙම චිත්‍රපටයේ වැඩ කටයුතු මුළුමණින්ම ඇණහිටද ඇත.
මෙම චිත්‍රපටය නිර්මාණය වෙනවාද නැද්ද යන්න කුතුහලයකින් සිටින මොහොතක පොප් ගායිකා රිහානා මෙම චිත්‍රපටය සඳහා එක්වෙන බවට ඉඟි පළවීමත් සමග බොහෝ දෙනෙකුගේ අවධානය මේ වනවිට ‘බ්ලැක් පැන්තර්’ දෙවැන්න කෙරෙහි යොමුව පවති. එහෙත්, තවමත් ‘මාවල්’ චිත්‍රපට සමාගම විසින් රිහානා මෙම චිත්‍රපටයට සම්බන්ධ කර ගැනීමේ තිරණයකට එළැඹ නොමැති බව වාර්තා වෙයි.
YOU MAY ALSO LIKE
