Saaravita.lk|| රිතික්ගේ ‘ක්‍රිෂ්’ තුන්වැන්න කල් යයි

ලබන වසරේ ප්‍රදර්ශනය කිරීමට සූදානම් වූ රාකේෂ් රෝෂන්ගේ ‘ක්‍රිෂ්’ තුන්වැනි චිත්‍රපටය කල්ගත වන බවට තොරතුරු වාර්තා වේ. ඒ තවමත් ඒ චිත්‍රපටයේ රූපගත කිරිම් ආරම්භ කර නොමැති වීම හේතුවෙනි. කෙසේ වෙතත්, ‘ක්‍රිෂ්’ චිත්‍රපටයේ ප්‍රධාන චරිතයට පණ පොවන රිතික් රෝෂන් මේ දිනවල චිත්‍රපට කිහිපයකම රූපගත කිරිම්වලට සම්බන්ධව සිටින අතර, ඔහුගේ චිත්‍රපට කිහිපයක්ම ලබන වසරේදී ප්‍රදර්ශනය කිරීමට සූදානම් කර තිබේ. මේ දිනවල ඔහු විකාෂ් බාල්ගේ ‘සුපර් 30’ චිත්‍රපටයේ රූපගත කිරීම්වලට දායකව සිටින අතර, තවත් නොබෝ දිනකින් යශ්රාජ් චිත්‍රපට සමාගමේ අලුත්ම චිත්‍රපටයක් සඳහා එක්වීමට සූදානමින් සිටියි. එහි ඔහු ටයිගර් ෂෙරොප් හා වානී කපූර් සමගින් රංගනයෙන් දායක වෙයි.