රිතික්, සූසෑන් සංජේ දත්ගේ ගෙදර
ජනප්‍රිය බොලිවුඩ් සිනමා නළු සංජේ දත්ගේ බිරිඳ මයන්තා විසින් සංවිධානය කර තිබු රාත්‍රි භෝජන සංග්‍රහයක් සඳහා බොලිවුඩයේ හිටපු ජනප්‍රිය විවාහක යුවළක් වන රිතික් රෝෂන් හා සූසෑන් ඛාන් එක්ව සිටි බව සඳහන් වේ. වාර්තා වන අන්දමට මොවුන් දෙදෙනා මේ වනවිට දික්කාසද වී සිටිනමුත්, රිතික් හා සූසෑන් එකම මෝටර් රථයකින් මෙම රාත්‍රි භෝජන සංග්‍රහයට එක්වූ බව සඳහන් වේ.
ඔවුන්ට අමතරව සොනලි බෙන්ද්‍රේ, ට්වින්කල් ඛාන්නා, ආක්ෂේ කුමාර්, කබීර් ඛාන්, ඩියා මිර්ෂා, රන්බීර් කපූර් මෙන්ම රිතික් සමගින් ‘කාබිල්’ චිත්‍රපටයේ ප්‍රධාන නිළි චරිතයට දායක වූ යමී ගෞතම් හා චිත්‍රපට අධ්‍යක්ෂක සංජේ ගුප්තාද මෙම භෝජන සංග්‍රහයට පැමිණි බව සඳහන් වේ. කෙසේ වෙතත්, ට්වින්කල් හා ආක්ෂේ කුමාර් වැඩි කාලයක් මෙහි රැඳී නොසිටි අතර, ඔවුන් ඉක්මනින් දිල්ලි නගරය කරා පැමිණ ඇත්තේ ආක්ෂේට ඉන්දීය ජාතික සම්මාන උලෙළ සඳහා සහභාගී වීමටය. එහෙත්, මෙම ප්‍රිය සම්භාෂණ උත්සවයේදී කාගෙත් අවධානය දිනා ගැනීමට රිතික් හා සූසෑන් සමත්වී තිබේ.
