රිචා චඩ්ඩාගේ චිත්‍රපට පෝලිමක්
ජනප්‍රිය ඉන්දීය සිනමා නිළි රිචා චඩ්ඩා රංගනයෙන් දායක වන චිත්‍රපට තුනක් ඉදිරි දෙසතිය තුළ ප්‍රදර්ශනය වීමට නියමිතව ඇත. පසුගිය වසරේ තිරගත වූ ‘පක්රේ රිටන්ස්’ චිත්‍රපටයේද රඟපෑ රිචා මේ වසරේ මුලින්ම සිය රසික පිරිස් මුණ ගැසෙන්නේ අර්ජූන් මුඛර්ජිගේ ‘ 3 ස්ටෝරිස්’ චිත්‍රපටය තුළිනි. මෙහි ප්‍රධාන චරිතය සඳහා රිචා රංගනයෙන් දායක වන අතර, සර්මන් ජෝෂි, පුල්කිට් සම්රාත් ඇය සමගින් මෙහි රංගනයේ යෙදේ. මෙම චිත්‍රපටය පෙබරවාරි 16 වැනිදා ප්‍රදර්ශනය වීමට නියමිතව ඇත.
මාර්තු 09 වැනිදා රිචා රංගනයෙන් දායක වන තවත් චිත්‍රපටයක් තිරගත වෙන අතර, ඒ සුන්ධිර් මිස්රාගේ ‘දාස් දේව්’ චිත්‍රපටයයි. රිචා සමගින් අදිති රාඕ, අනුරාග් කාශ්‍යප් මෙහි රංගනයෙන් දායක වෙයි. මාර්තු 23 වැනිදා ඇමෙරිකානු නිෂ්පාදනයක් වූ ‘ලව් සෝනියා’ චිත්‍රපටය තිරගත වන අතර එහි රිචා සමගින් ෆරිඩා පින්ටෝ හා හොලිවුඩ් නිළි ඩෙමි මුවර් රංගනයෙන් දායක වෙයි.
