රාජකීය මඟුලේ දෙවැනි මනමාලි ප්‍රියංකා චොප්රා?
බොලිවුඩ් සහ හොලිවුඩ් යන සිනමා කර්මාන්තය තුළ වැජඹෙන නිළියක් වන ප්‍රියංකා චෝප්රා බොහෝ කාලයක් ගත කරනු ලබන්නේ ඇමෙරිකාවේ නිව්යෝර්ක් නුවරයි. ඒ ඇය රංගනයෙන් දායක වන Quantico කතාමාලාව හේතුවෙනි. මෙම ටෙලි නාට්‍යයේ රූගත කිරීම්වලට එක් වී දැඩි ලෙස කාර්යබහුල සති කිහිපයක් ගත කළ බව ඇය සඳහන් කර තිබුණා. මෙහි තෙවැන්න ඉතාලියේ රූගත කිරීම් ලබන වසරේ ඇරඹීමට සූදානම් බව විදෙස් මාධ්‍ය සඳහන් කර තිබුණා. කෙසේනමුත් මෙම කාරණාවට එහායින් ඇය බොහෝ කාර්ය බහුල බවයි සඳහන් වෙන්නේ. ඒ ඇය මංගල උත්සවයක් වෙනුවෙන් සූදානම් වීමයි.
ඇය ලබන වසරේ පැවැත්වීමට නියමිතව ඇති මංගල උත්සවයක දෙවැනි මනමාලිය ලෙස පෙනී සිටින බව ඇතැම් විදෙස් මාධ්‍ය සඳහන් කරනවා. බොහෝදෙනා අනුමාන කරන්නේ හැරී සහ මේගන්ගේ දෙවැනි මනමාලිය ප්‍රියංකා විය හැකි බවයි. හැරී කුමරුගේ පෙම්වතිය වන මේගන් සහ ප්‍රියංකා මිතුරියන් වන අතර, ඔවුන් මුල්වරට හමුවී ඇත්තේ හොලිවුඩ් සිනමා උලෙළකදී බවද විදෙස් මාධ්‍ය වාර්තා කරනවා. ඒ හිතවත්කම මත ප්‍රියංකාට රාජකීය විවාහයේ දෙවැනි මනාලියක් වීමේ අවස්ථාව හිමිවන බවයි වාර්තා වන්නේ.
