රසිකයෝ වැඩියෙන්ම කැමති කාටද?
‘ඇවෙන්ජර්ස් - ඉන්ෆිනිට් වෝර්’ චිත්‍රපටය තිරගත වීමත් සමග ‘බොලිවුඩ් ලයිෆ්’ වෙඩ් අඩවිය විසින් කළ පාඨක සමික්ෂණයේදී මෙවර ‘ඇවෙන්ජර්ස් - ඉන්ෆිනිට් වෝර්’ චිත්‍රපටයේ වැඩිම රසික අවධානයක් දිනාගත් සුපිරි වීරයා වී ඇත්තේ පෝල් බෙටනි රංගන ‘විශන්’ චරිතයටය. සමික්ෂණයට යොදාගත් අන්තර්ජාල පිරිස් අතරින් සියයට 30 ප්‍රතිශතයක් ඔහුට කැමැත්ත ප්‍රකාශ කර තිබුණි.
මෙහි දෙවැනි තැන හිමිව තිබුණේ ක්‍රිස් එවන්ස් නිරූපණය ‘කැප්ටන් ඇමෙරිකා’ චරිතයටයි. ඒ සඳහා සියයට 19ක පාඨක කැමැත්ත හිමිවිය. තුන්වැනි තැන පාධක කැමැත්ත සියයට 15ක් හිමිවු ‘අයන් මැන්’ සුපිරි වීරයාට හිමිව තිබුණි. එම චරිතය නිරූපණය කරනු ලබන්නේ රොබව් ඩවුනි විසිනි. මාක් රෆ්ලෝ නිරූපණය කරන ‘හල්ක්’ මෙන්ම ස්කාලට් ජොන්සන් නිරූපණය කරන ‘බ්ලැක් වින්ඩෝ’ චරිත සඳහාද ඉහළ රසික කැමැත්තක් හිමිව තිබුණ බව ‘බොලිවුඩ් ලයිෆ්’ වෙබ් අඩවිය සඳහන් කර තිබේ.
