රවීනා ගේ දියණියට දැන් 16යි
රවීනා තන්දන්ගේ දියණිය රාශා මාර්තු 16 දා ඇගේ 16 වන උපන් දිනය සැමරුවාය. අම්මා කෙනෙකුට හැමදාමත් සිය දියණිය දිස් වන්නේ කුඩා දැරියක ලෙසිනි.
“මගේ ආදරණීය, සුන්දර දියණිය මේ තරම් ඉක්මනට ලොකු වුණේ කොහොමද..?”
දියණියගේ කුඩා කල සිට මේ දක්වා ඡායාරූප කිහිපයක් අන්තර්ජාලයේ පළ කර ඇගේ උපන් දිනයට සුබ පතමින් ඇය විමසා තිබිණි.
අනිල් තදානි සමඟ විවාහ වී සිටින රවීනාට රන්බීර් නමින් පුතෙකු ද සිටින්නේය. ඇය සිය මිය ගිය සිය ඥාති සහෝදරියගේ දියණියන් දෙදෙනා පූජා සහ චායා ද තමන්ගේම දරුවන් මෙන් හදාවඩා ගත්තාය.
“අම්මා කෙනෙක් වීම සතුටක්.. ඒත් ඒක මේ වගේ දෙයක් කියලා විස්තර කරන්න පුළුවන්කමක් නෑ.. හුඟක් අවිවේකී කාලයක් ගෙව්වත් මම හැකි හැම විටම හිටියෙ දරුවෝ එක්කමයි.. මගේ දුවලා මට යාළුවො වගේ.. මම ඔවුන් ගැන ආඩම්බර වෙනවා..”
ඇය කියන්නීය.
YOU MAY ALSO LIKE
