රන්වීර් සිංහගේ උරහිසට අනතුරක්
බොලිවුඩ් නළු රන්වීර් පිළිබඳව පසුගිය කාලයේ බොහෝ කතා බහට ලක්වූයේ 'පද්මාවත්' චිත්‍රපට හේතුවෙනි. නමුත් මේවනවිට ඔහු පිළිබඳ ඉන්දියානු මාධ්‍ය කතාබහට ලක්ව ඇත්තේ ඔහුගේ උරහිසට ඇති වී තිබෙන අනතුර හේතුවෙනි. පාපන්දු ක්‍රීඩාවේ යෙදෙමින් සිටියදී ඔහුගේ උරහිස ආබාධයට ලක්ව තිබේ. මේ කාරණාව හේතුවෙන් ඔහුට වෛද්‍යවරු විවේක සුවයෙන් කාලය ගත කිරීමට උපදෙස් ලබා දී තිබේ. කෙසේවුවත් 07 වැනිදා ආරම්භ වීමට ඇති ඉන්දියානු ප්‍රිමියර් ලීග් ආරම්භක උත්වයට ඔහුට සහභාගී වීමට ආරාධනා ලැබී ඇතත් ඒ සඳහා ඔහුට දායක වීමෙන් වැළකී සිටින ලෙසටද වෛද්‍යවරු උපදෙස් ලබා දී ඇති බවයි ඉන්දියානු මාධ්‍ය සඳහන් කරන්නේ.
YOU MAY ALSO LIKE
