රන්වීර් කොණ්ඩ විලාසිතා මාරු කරලා
පසුගිය කාලයේ සංජය ලීලා බන්සාලි අධ්‍යක්ෂණය කළ ‘පද්මාවතී’ චිත්‍රපටය වෙනුවෙන් සිය හිස කෙස් විලාසිතාව වෙනස් කරමින් සිටි ජනප්‍රිය බොලිවුඩ් සිනමා නළු රන්වීර් සිං පසුගියදා නැවතත් සිය හිස කෙස් විලාසිතා වෙනස් කර තිබෙනවා. ඒ ඉදිරියේදී රූපගත කිරීම් කටයුතු ආරම්භ කරන්නට නියමිත සෝයා අක්තාර්ගේ ‘ගුල්ලු බෝයි’ චිත්‍රපටය සඳහායි.
පසුගිය සති අන්තයේදී මුම්බායිහි රූපලාවණ්‍යාගාරයක් තුළදී ඔහු ‘ගුල්ලු බෝයි’ චිත්‍රපටය සඳහා සිය ස්වරූපය වෙනස් කරගනිමින් සිටින ඡායාරූපයක් සිය ‘ට්විටර්’ ගිණුමේ පළ කර තිබුණා. ‘ගුල්ලු බෝයි’ චිත්‍රපටයේ රන්වීර් සමගින් ආලියා භාට් ප්‍රධාන චරිත සඳහා දායකව සිටින බව සඳහන්.
YOU MAY ALSO LIKE
