මාරියා කැරේට ගෞරව සම්මානයක්
ලොව සුප්‍රසිද්ධ කැසිනෝ ව්‍යාපාරිකයෙකු වූ ජේම්ස් පැක්රේගේ පෙම්වතිය වූ මාරියා කැරේ පිළිබඳව විශේෂ පුවතක් වාර්තා කරයි. රැප් ගීත සඳහා නමක් දිනා සිටින මාරියා පසුගියදා සම්මානයකින් පිදුම් ලැබුවාය. ඒ, VHI’s HIP HOP සම්මාන උලෙළේදීයි. එහිදී මාරියා සමගින් හාස්‍යෝත්පාදන රංගනයෙහි දක්ෂ නළුවකු වන මාටින් ලෝරන්ස්ද සම්මානයෙන් පිදුම් ලැබීය. මේ උලෙළේ ප්‍රධාන නිවේදිකාව වූයේ ජනප්‍රිය නිළි රෙගිනා හෝල්ය. ඇය, මේ වසරේ තිරගත වූ ‘%ගර්ල්ස් ට්‍රිප්’ චිත්‍රපටයේ රංගනයෙන් රසික ප්‍රසාදය හිමිකර ගත් නිළියකි.
මෙවැනි කලාකරුවන් සහ කලාකාරිනියන් අගයන අතරම පසුගියදා සිදු වූ ඉර්මා කුණාටුවෙන් විපතට පත් ජනතාව සිහිපත් කරන්නටත් VHI’s HIPHOP සම්මාන උලෙළේ සංවිධායකවරුන් අමතක කළේ නැත. ඔවුන් වෙනුවෙන් ආධාර ලබාදීමේ වැඩපිළිවෙළකට මුලපුරන්නටත් කටයුතු යොදා ඇති බවයි විදෙස් මාධ්‍ය සඳහන් කරන්නේ.
