මධුරි 'බකට් ලිස්ට්' සමග නැවතත්
සිවුවසරකට පසුව සුරූපි බොලිවුඩ් සිනමා නිළි මධුරි ඩික්සිත් නැවතත් සිය සිනමා රසික පිරිස් අතරට මේ දිනවල පැමිණි සිටියි. ඒ ‘බකට් ලිස්ට්’ නම් චිත්‍රපටය හරහාය. මරාති බසින් හඬකවා ඇති මෙම චිත්‍රපටය හාස්‍යමය ලේබලය යටතේ නිර්මාණය වූවක් බව සඳහන් වේ.
‘බකට් ලිස්ට්’ චිත්‍රපටයට පෙර මධුරි අවසන් වරට බොලිවුඩ් චිත්‍රපටයක දකින්නට ලැබුණේ 2014 වසරේ වන අතර, ඒ ‘ගුලාබ් ගැන්ග්’ චිත්‍රපටය තුළිණි. මධුරි ‘බකට් ලිස්ට්’ චිත්‍රපටයට අමතරව මේ වසරේදී තවත් බොලිවුඩ් චිත්‍රපට කිහිපයකින්ම සිය රසික පිරිස් මුණ ගැසීමට සූදානමින් සිටින බවට තොරතුරු වාර්තා වේ.
ඉන්දර් කුමාර් අධ්‍යක්ෂණ කළ ‘ටෝටල් දමාල්’ චිත්‍රපටයද ඒ අතරින් එකක් වන අතර, එහි ජනප්‍රිය නළුනිළියන් රැසක්ද රංගනයෙන් දායක වන බව සඳහන් වේ.
YOU MAY ALSO LIKE
