බොබීට සල්මාන්ගෙන් තෑග්ගක්
ජනප්‍රිය සිනමා නළු බොබී ඩියොල්ට සල්මාන් ඛාන් පසුගියදා රාත්‍රී භෝජන සංග්‍රහයක් සඳහා ඇරයුම් කර ඇතැයි ‘කොයි මෝයි’ වෙබ් අඩවිය සඳහන් කර සිටියි. සල්මාන් මෙසේ බොබීට රාත්‍රී භෝජන සංග්‍රහයකට ආරාධනා කර ඇත්තේ ජුනි 15 වැනිදා ප්‍රදර්ශනය වීමට නියමිතව ඇති ‘රේස්’ තුන්වැනි චිත්‍රපටය සඳහා බොබී ඩියොල් තමාට දුන් සහයට කෘතගුණ සැළකීමට බවය.
එමෙන්ම සල්මාන් ඛාන් ඉදිරියේදී ප්‍රදර්ශනය කිරීමට නියමිතව ඇති ඩියොල් පවුලේ චිත්‍රපටයක් වූ ‘යමලා පග්ලා දිවානා - ෆීර් සේ’ චිත්‍රපටයේ ආරාධිත රංගනයක් සඳහාද එක්වීමට මෙම භෝජන සංග්‍රහයේදී බොබීට කැමැත්ත පළ කර බවය. එමෙන්ම සල්මාන් ඛාන්ගේ පෙම්වතිය ලුලීයා වැන්තර්ද මෙම භෝජන සංග්‍රහයට එක්ව සිටි අතර, බොබී ඇයට සිය චිත්‍රපටයේ එන ගීතයක් සඳහා ගීත ගායනයෙන් සහය වන්නටද ඇරයුම් කළ බවත්, එය ඉතා ඉහළින් පළිගත් බවත් වාර්තා වේ.
සල්මාන්ට අමතරව සොනක්ෂි සින්හා, රේඛා හා ක්‍රිති ෂැනොන්ද මෙහි ආරාධිත රංගනයක නිරත වන්නට කැමැත්ත පළකොට ඇතැයිද වාර්තා වේ.
