‘බූල් බුලියා’ දෙවැන්නට ආක්ෂේ
අතිශය ජනප්‍රිය වූ විනෝදාත්මක චිත්‍රපටයක් වූ ‘බූල් බුලියා’ චිත්‍රපටයේ දෙවැන්නක් නිර්මාණය කරන්නට මේ වනවිට සැලසුම් කර තිබේ. දෙවැනි චිත්‍රපටය අනිස් බස්මි විසින් අධ්‍යක්ෂණය කරන්නට නියමිත අතර, එහි කාර්තික් ආර්යන් ප්‍රධාන චරිත නිරූපණය කරන බව සඳහන් වේ.
කෙසේ වෙතත්, ‘බූල් බුලියා’ පළමු චිත්‍රපටයේ ‘ආදිත්‍යා ශ්‍රීවස්ති’ ලෙස රංගනයෙන් දායක වූ ආක්ෂේ කුමාර්ද ‘බූල් බුලියා’ දෙවැන්නේ ආරාධිත චරිතයක් සඳහා එක්වීමට කැමැත්ත පළ කොට තිබෙන බව සඳහන් වේ. තවමත් මෙම චිත්‍රපටයේ රූපගත කිරීම් හා තිරගත වන දිනය ප්‍රකාශයට පත් කර නොමැති අතර, චිත්‍රපට අධ්‍යක්ෂක අනිස් බස්මි මේ දිනවල ‘පාගල්පන්ති’ නම් චිත්‍රපටයේ රූපගත කිරිම් කටයුතු සඳහා සම්බන්ධව සිටින බව වාර්තා වේ.
YOU MAY ALSO LIKE
