'බාහූබලි' විවාහය ගැන පසුව සිතනවලු
'බාහූබලි' චිත්‍රපට තුළින් ඉන්දියාවේ පමණක් නොව මුළු ලෝකයේම අවධානය දිනාගන්නට සමත් වූ දකුණු ඉන්දීය සිනමා නළු ප්‍රභාස් මේ වනවිට සිය පළමු බොලිවුඩ් චිත්‍රපටයට සම්බන්ධව සිටියි. යුරෝපයේ මෙන්ම අබුඩාබි රටවල් කිහිපයක රූපගත කිරීම් කටයුතු සිදුකළ මෙහි අවසන් රූපගත කිරීම් කටයුතු මේ දිනවල ඉන්දියාවේ මුම්බායි නගරයේදී සිදු කෙරෙමින් පවති.
පසුගියදා තමා සම්බන්ධව ඉන්දියාවේ ප්‍රකට 'හින්දුස්තානි ටයිම්ස්' පුවත්පත් පළ කළ ලිපියක් සම්බන්ධව අදහස් දක්වමින් ප්‍රභාස් පවසා තිබුණේ, තමා මේ වනවිට සිය විවාහය ගෙන නොසිත බවය. 'හින්දුස්තානි ටයිම්ස්' පුවත්පත සඳහන් කර තිබුණේ ප්‍රභාස් හා ජනප්‍රිය සිනමා නිළි අනුෂ්කා ෂෙට්ටි නුදුරේම විවාහ වීමට සූදානමින් සිටින බවය. 'බාහූබලි' දෙවැනි චිත්‍රපටය තිරගත වීමත් සමග මංගල යෝජනා 6000කට වඩා වැඩි ප්‍රමාණයක් තමාට ලැබුණ බව පවසන ප්‍රභාස් මේ වනවිටද එය නොනවත්වා ලැබෙමින් පවතින බවයි.
