'බාගි' තවත් චිත්‍රපටයක් නිර්මාණය කරනවා
සජිද් නදිඩ්වාලාගේ නිෂ්පාදනයක් ලෙස ‘බාගි’ තුන්වැනි චිත්‍රපටයක්ද නිර්මාණය කරන්නට මේ වනවිට සූදානම් වන පුවතක් බොලිවුඩ් පුරයෙන් වාර්තා වේ. 2016 වසරේ තිරගත වූ ‘බාගි’ පළමු චිත්‍රපටය ආදායම් උපයා ගැනීම අතින් අති සාර්ථක වූ නිසාම එහි දෙවැනි චිත්‍රපටය නිර්මාණය කළ අතර, දෙවැනි ‘බාගි’ චිත්‍රපටය එළැඹෙන මාර්තු 30 වැනිදා ප්‍රදර්ශනය කිරීමට නියමිතව තිබේ.
පෙබරවාරි 21 වැනිදා මෙහි පූර්ව ප්‍රචාරක පටය නිකුත් කළ අතර, එහිදි ‘බාගි’ චිත්‍රපට නිෂ්පාදනය කළ සජිද් නදිඩ්වාලා පවසා ඇත්තේ ‘බාගි’ තුන්වැනි චිත්‍රපටයක්ද ඉදිරියේදී නිර්මාණය කරන්නට සැලසුම් කර ඇති බවය. මාර්තු 20 වැනිදා තිරගත වන ‘බාගි’ දෙවැනි චිත්‍රපටයේ ටයිරග් ෂෙරොෆ් සමගින් ඔහුගේ සැබෑ පෙම්වතිය වන ඩිෂා පටානි රංගනයෙන් දායක වෙයි.
YOU MAY ALSO LIKE
