'බද්‍ර්නාත් කි දුල්හානියා' කෝටි 200යි
මේ දිනවල ඉන්දියාවේ මෙන්ම ලොව පුරාද අති සාර්ථකව ප්‍රදර්ශනය වන ‘බද්‍ර්නාත් කී දුල්හානියා’ චිත්‍රපටය ඉන්දීය රුපියල් කෝටි 200ට වඩා වැඩි මුදලක් උපයා ගන්නට සමත්ව තිබෙන බව සඳහන් වේ. වරූන් ධාවන් හා ආලියා භාට් ප්‍රධාන චරිත නිරූපණය කරන මෙම චිත්‍රපටය මේ වසරේ ඉන්දීය රුපියල් කෝටි 100කට වඩා වැඩි මුදලක් ඉන්දියාවේදී උපයාගත් චිත්‍රපට අතරටද එක්ව සිටියි.
වාර්තා වන අන්දමට මෙම චිත්‍රපටය ඉන්දියාවේ පමණක් දැනට රුපියල් කෝටි 112ක මුදලක් උපයා ගෙන තිබේ. වරූන් මෙන්ම ආලියාද ප්‍රධාන චරිත නිරූපණය කළ චිත්‍රපටයක් උපයාගත් වැඩිම මුදල මෙය ලෙස බොලිවුඩ් ඉතිහාසයට එක්වේ. කෙසේ වෙතත්, වරූන් උප චරිතයක් නිරූපණය කළ ‘දිල්වාලි’ චිත්‍රපටය ඉන්දීය රුපියල් කෝටි 400ක මුදලක් උපයා ගන්නට සමත් විය.
YOU MAY ALSO LIKE
