'පුසිකැට් ඩෝල්ස්' නැවතත් ගී ගයයි
‘‘පුසිකැට් ඩෝල්ස්’ බටහිර ගී ලොවේ ජනප්‍රියත්වයට පත් වූ ගායිකා කණ්ඩායමක්බව අමුතුවෙන් පහදා දියයුතු නොවේ. දශකයකට ආසන්න කාලයක් පුරාවට අලුත් ගීත එළි නොදැක්වූ මෙම සංගීත කණ්ඩායම අලුත් කාර්යයක් සඳහා සූදානම් වෙමින් පවතින බවයි සඳහන් වන්නේ. පසුගිය කාල සීමාව තුළ ‘‘පූසිකැට් ඩෝල්ස්’ කණ්ඩායම් සාමාජිකයන් එකිනෙකා සමග අමනාපයෙනුයි පසුවූ බව සඳහන් වේ.
නිකොලි ෂුසිංගර්ගේ නායකත්වයෙන් පෙරටම ගිය මේ කණ්ඩායම විසිරී සිටීමෙන් ගීත නිර්මාණ බිහි වීම අඩපණ වූ බව පැවසේ. කෙසේනමුත් ‘නුදුරේදීම ‘පුසිකැට් ඩෝල්ස්’ ලා යළි එකතුවී අලුත් ගීත ගයන්නට සූදානම් වන බවපැවසේ. ‘බ්‍රිතාන්‍යයේ ‘සන්’ පුවත්පතට ප්‍රකාශයක් කළ මේ සංගීත කණ්ඩායමේ සමීපතයකු පැවසුවේ පැරණි අමනාපකම් අමතක කර නැවතත් රසික පරපුර වෙත සමීප වීම‍ට ‘‘පුසිකැට් ඩෝල්ස්’ සුදානම් වන බවයි. එහි ආරම්භයක් ලෙස සංගීත ප්‍රසංගයක් පැවැත්වෙනු ඇති බවත් ඔහු පැවසීය.
