ප්‍රීති සින්ටා සිය සිව් වන විවාහ සංවත්සරයට තැබු සටහන
දඟකාර නිළි කෙල්ලක ලෙස දශක කිහිපයක්ම රිදී තිරය වර්ණවත් කළ ප්‍රීති සින්ටා සිය සිව් වන විවාහ සංවත්සරය වෙනුවෙන් තැබු සටහන
ප්‍රීති සිනමාවෙන් සමු අරන් නෑ...
ඔබ එනතුරු අප බලාගෙන සිටිමු....
දික්කසාදයන් ගැන බොහෝ විට වාර්තා වන උතුරු ඉන්දියානු සිනමාව තුළ කසාදයක් සාර්ථක වන අවස්ථා මඳක් අඩුය. කසාදයකට එහායින් වූ එකට ජීවත් වීමේ විලාසිතාව වැඩි වශයෙන් අනුගමනය කරන හින්දි නළු නිළියෝ මාස ගණනකට හෝ වසරකට හමාරකට පසු තම තමන් නොගැළපෙන බව පවසමින් වෙන්ව යන අවස්ථාවන්ද විරල නොවේ.
ඒ සියල්ල තුළ ආසියානු සදාචාරයට අනුව හොඳින් තම විවාහයන් තුළ දවස ගෙවන ප්‍රවීණත්වයට පත් සුපිරි තාරකාවන්ද වෙයි. දඟකාර නිළි කෙල්ලක ලෙස දශක කිහිපයක්ම රිදී තිරය වරණවත් කළ ප්‍රීති සින්ටාද ඉන් එක් අයෙකි. චරිත තෝරා ගැනීමේදී පරෙස්සම යන වචනය තුළ ප්‍රීති චිත්‍රපටවලට මැදි වූයේ නැත. අඳින, පලඳින විට පවා ඇඟ නොපෙනෙන්නට අඳින්නට ඕනෑය කියන සීමාවද ප්‍රීති තුළ තිබුණේ නැත.
නමුත්, විවාහය යන බැඳීම තුළ තම සැමියා සමඟ ප්‍රීති ගෙන යන ජීවිතය ඉතා පරෙස්සම් සහගත විය. ජින්ගේ සිත රිදවන ආකාරයේ කිසිවක්ම නොකරන ප්‍රීති, චිත්‍රපට තිරපිටපත් ගැන තීන්දු දුන්නේද ජින්ගේ කැමැත්ත අනුවය.
සැමියා සමඟ විශේෂ ගමනක් යන්නේද, කෑමක් හදන්නේද, ඇයගේ ට්විටර් ගිණුමෙහි එය මුදා හැරියාය. නිතර ඈ සිය මුහුණු පොත සමඟ මිතුරුකම් පැවැත්වූවාය.
මේ දිනවලද ප්‍රීති සින්තාගේ ට්විටර් ගිණුමෙහි ඉතා අලංකාරව පළවෙමින් තිබෙන අපූරු පින්තූර එකතුවක් ගැන සොඳුරු කසුකුසුවක් පැතිර යමින් තිබේ. ඒ අලංකාර පින්තූර එකතුවට හේතු පාඨය වූයේ ප්‍රීති සින්ටාගේ සහ ජින් ගුඩ්නොෆ්ගේ අතිනත ගැනීමට වසර 4ක් පිරීමේ සතුටය. පින් අතේ සද්කාර්යයකට සහභාගි වූ ඔවුන් එයට පසු වෙරළ තීරයක ඉතාම චාම්ව තම සිත්වල සතුට බෙදා ගැනීමේ හමුවක් තුළ කාලය ගතකළාය.
ඔවුන් ඇඳ පැලැඳ සිටියේද ඉතාම සිත් අලවනසුලු ආකාරයේ සරල ඇඳුම් පැලඳුම්වලින්ය. ජින්ගේ කහ පැහැ කොටු ගැහුණු කමිසයට ජින්ගේ කහ පැහැති ‘බොඩි ෆිට්’ ටීෂර්ට් එක ඉතා හොඳින් කැපී පෙනුණේය. ඔබ දෙපළගේ ආදරය වගේම විවාහ සංවත්සරය සඳහා තෝරාගෙන තිබෙන සරල ඇඟලුම්ද ඇයට ඉතා ප්‍රියය. ඔවුන්ගේ මිතුරු මිතුරියන් එම පින්තූර පෙළ පාමුල එලෙස සටහන් කොට තිබිණි.
"මීට වසර කිහිපයකට පළමුව කැන්ටා මොනිකා වෙරළ තීරයේදී හමුවූ ඔබ, එදාට වඩා වැඩි තුන් හතර ගුණයක ආදරයක් තුළ අද මා සමඟ සුහදව ගනුදෙනු කරයි. සත්තකින්ම ජීන් මෙය වරෙක මට අදහගන්නට බැරි තරම්ය. පළමුව දෙවියන්ටත් දෙවනුව ඔබටත් මේ සතුට මට දායාද කිරීම වෙනුවෙන් මම තුති දෙමි." ප්‍රීති සින්ටා එදින උදෑසන ජින් වෙත එවැනි අලංකාර ට්විටර් පණිවුඩයක් එක්කර තිබිණි.
"එතරම් අලංකාරව මට වචන ගළපන්නට බැරිය. නමුත් මම ඔබට කෙටි පිළිතුරක් දෙමි. ඔබට මා මුණගැස්වීම ගැන ඔබ දෙවියන්ට කෙතරම් ස්තුති කරන්නේද, මම එයට වැඩි දහස් ගුණයක තුති වදන් ඔබ වෙනුවෙන් දෙවියන් හමුවේ තබන්නෙමි." ‘ජින් ගුඩ් නොෆ්’ ප්‍රීතිට පිළිතුරු පණිවුඩය සටහන් කර තිබුණේ එහෙමය. ඉන්දියානු සම්භවයට අනුව විවාහ වූවනට වඩා විදේශිකයකු සමඟ විවාහ වූ ප්‍රීති සින්ටා ඉතා හොඳින් තම පවුල් ජීවිතය ගෙවන බව ‘කරන් ජොහාර්’ එක් අවස්ථාවක ‘කොෆි විත් කරන්’ වැඩසටහන තුළදී පවසා තිබුණේ සුපිරි තරු කිහිපයකගේ කඩාවැටුණු විවාහ බැඳීම් ගැන කතා කරන මොහොතකදීය.
‘එයට තවම වසර තුන පහවුණා පමණැයි’ කිසිවකු පැවැසූ මොහොතේ කරන් කියා සිටියේ, බොහෝ විවාහයන් හය, හත් මාසයකට පමණක් සීමා වන සුපිරි තරු පසුබිමක සෙල්ලක්කාර ප්‍රීති, විදේශිකයකු වූ ජීන් සමඟ හොඳින් පවුල් කෑම සුළුකොට නොතැකිය හැකි බවකි. ‘ආදරණීය ප්‍රීති, ඉන්දියාවට නැවැත පැමිණ තිරය මත යළි සිනාසෙන්න, ඔබ එනතුරු අප බලාගෙන සිටිමු. යනුවෙන්ද ප්‍රීතියේ විවාහ සංවත්සර පින්තූර පාමුල කමෙන්ටු පළවී තිබිණි.
‘මම සිනමාවෙන් සමුගනිමි.’යන්න ප්‍රීති කිසිවක පවසා නොතිබුණද ජීන් ගුඩ් නොෆ් සමඟ එක්වූ දින පටන් ‘ප්‍රීති සින්ටා’ චිත්‍රපට තුළ කාර්යබහුල නුවූවාය. ‘දිල්සේ’ වෙතින් අගරුසර ෂාරුක් සමඟ සංවේදී රංගනයක යෙදුණු මේ සුරුබුහුටි නිළි තාරකාවිය අවසන් වතාවට රඟපෑවේ ‘ඛයියාජි සුපර්සිත්’ චිත්‍රපටයේය. නැවැත රංගනයට එක්වන්නැයි’ ප්‍රීති සින්ටාට ඇතැමුන් ආරාධනා කළද, තවත් අය ප්‍රීතිගේ විවාහ සංවත්සර රූප පෙළ පාමුල ලියා තිබුණේ, ‘හොඳ බිරියක ලෙසට, හැඩකාර ප්‍රීති ඔබ යහපත් වචනද වන්න යනුවෙනි.
දමයන්ති රේණුකා ප්‍රනාන්දු
