ප්‍රියංකාට ජාත්‍යන්තර සම්මානයක්
බොලිවුඩ් සිනමාවේ කලක් අංක එකේ සිනමා නිළිය බවට පත්ව සිටි ප්‍රියංකා චොප්රා මේ දිනවල වැඩිපුර කතාබහට ලක්වන්නේ හොලිවුඩ් සිනමාව තුළයි. පසුගියදා පැවති People’s Choice Award 2017 සම්මාන උලෙළේදී ඇයට වසරේ හොඳම රූපවාහිනි ටෙලිනාට්‍යය නිළිය ලෙස සම්මාන දිනාගැනීමට හැකි වූවා. ඒ ඇය මේ දිනවල රංගනයෙන් දායක වන ‘Quantico’ ටෙලි නාට්‍යය තුළ ඉදිරිපත් කරන රංගනය උදෙසායි.
ප්‍රියංකාට ජාත්‍යන්තර සම්මානයක් හිමිවු දෙවැනි අවස්ථාව මෙය වීම විශේෂත්වයක්. ඊට පෙර ඇයට ගායිකාවක් ලෙස ‘බිල්බෝර්ඩ්’ සම්මානයක් හිමිව තිබුණා.
මේ වනවිට සිය අලුත්ම හොලිවුඩ් චිත්‍රපටය වන ‘බේවොච්’ චිත්‍රපටයේ ප්‍රචාරක කටයුතු සඳහා දායකව සිටින ප්‍රියංකා, එහි ඩිවෝන් ජොන්සන් හා සැක් එෆ්රෝන් සමගින් රංගනයෙන් දායකවනවා. මෙය ප්‍රියංකාගේ පළමු හොලිවුඩ් සිනමා රංගනයද වීම විශේෂත්වයක්.
YOU MAY ALSO LIKE
