ප්‍රියංකා මාධ්‍ය සාකච්ඡා වෙනුවෙන් ගෙයක් අරන්
‘බේ වොච්’ හොලිවුඩයේ ජනප්‍රිය ටෙලිකතා මාලාවක් ලෙසින් ලොව පුරා රසික ජනතාව හඳුනාගෙන සිටි එය මේ වනවිට චිත්‍රපටයක් ලෙස කළඑළිදැක්වීමට නියමිත තිබෙනවා. මෙය හොලිවුඩ් නිර්මාණයක් වුවත් එයට බොලිවුඩ්පුරයේ සුපිරි තාරකාවියක් ද එක්ව සිටින බව රහසක් නොවෙයි. ප්‍රියංකා විසින් මෙතෙක් බොලිවුඩ් නළුවෙකු හෝ නිළියක් විසින් සිදුකර නොමැති කාර්යයක් සිදු කර ලැබ තිබෙනවා. ඒ ‘බේ වොච්’ චිත්‍රපටයේ ප්‍රචාරය වෙනුවෙන් ම මුම්බායි නගරයෙන් නිවසක් ඇය මිලදී ගැනීමයි. එහි එක් විශාල කාමරයක් මුළුමනින් ම වෙන්කර ඇත්තේ මාධ්‍ය සාකච්ඡා සහ අනෙකුත් සියලුම මාධ්‍ය කටයුතු වෙනුවෙනි. ‘බේ වොච්’ හි ප්‍රධාන චරිතයක් රඟපෑ ඩ්වේන් ජොන්සන් ද මෙහිදී මාධ්‍ය හමුවක් පවත්වා තිබෙනවා.
මෙහි පැවති මාධ්‍ය හමුවකදී ප්‍රියංකා පවසා ඇත්තෙ, බේ වොච් සඳහා ඇයට අවස්ථාව හිමිවූයේ Quantico ටෙලි නාට්‍ය මාලාවේ රංගනය නිසාවෙන් බවයි. ඊට අමතරව ඇය සඳහන් කර ඇත්තේ, බේ වොච් චිත්‍රපටය තුළ ඇය රංගනයෙන් දායක වෙන්නේ දුෂ්ඨ චරිතයක් සඳහා බවයි. දුෂ්ට චරිතය බොලිවුඩ් චිත්‍රපට සඳහා දායක වී තිබුණත්, බේ වොච් චිත්‍රපටයේ චරිතය වෙනස් බව සඳහන් කර තිබේ. මෙම චිත්‍රපටය හේතුවෙන් ඇයට බොලිවුඩ් චිත්‍රපටය තුනක අවස්ථාවන් අහිමි වූ බවද ඇය සඳහන් කර තිබේ. කෙසේ නමුත් ඇය ඉදිරියේදී බොලිවුඩ් චිත්‍රපට සඳහා විශේෂ අවධානයක් යොමු කරන බවද සඳහන් කර තිබේ.
