Saaravita.lk|| පළමු වරට අරාබි ගායකයෙක් වතිකානුවේ නත්තල් ප්‍රසංගයට

වතිකානුවේ පැවැත්වෙන වාර්ෂික නත්තල් ප්‍රසංගය වෙනුවෙන් එමිරේට්ස් ගායක හුසේන් අල් ජස්මි සහභාගි වන බව විදෙස් මාධ්‍ය පෙන්වා දෙයි. දෙසැම්බර් 24 වැනිදා මෙම නත්තල් ප්‍රසංගය පැවැත්වීමට නියමිතය. වතිකානුවෙන් කරන ලද ආරාධනාවක් හේතුවෙන් ඔහු මෙලෙස මේ සඳහා දායක වන අතර, නත්තල් ප්‍රසංගයක් වෙනුවෙන් සහභාගි වන ප්‍රථම අරාබි ගායකයාද වන්නේ මොහුය. ඔහු මෙම ප්‍රසංගය සඳහා සහභාගි වන්නේ මනුෂ්‍යත්වයේ ගුණාංග පෙන්වීමේ අරමුණින් බවද සඳහන් වේ. ඊට අමතරව මෙම ප්‍රසංගයෙන් ලැබෙන ආදායමෙන් හතරෙන් එකක් යුද්ධයෙන් අනාථ වී සිටින දරුවන්ට ලබා දීමට කටයුතු කරන බව වතිකානුව නිවේදනය කර තිබේ.