'පද්මාවත්' නිසා 'පෑඩ් මෑන්' කල්යයි
ජනවාරි 25 වැනිදා ප්‍රදර්ශනය කිරීමට නියමිතව තිබූ ආක්ෂේ කුමාර්ගේ ‘පෑඩ් මෑන්’ චිත්‍රපටය පෙබරවාරි 09 වැනිදා දක්වා ප්‍රදර්ශනය කරන්නට කල් ගත වූ බව සඳහන් වේ. බොලිවුඩ් ආරංචි මාර්ග සඳහන් කර සිටින්නේ ‘පද්මාවත්’ චිත්‍රපබටය තිරගත වීම නිසාවෙන් මෙම චිත්‍රපටය මෙසේ කල්ගත වීමට හේතු වූ බවය. ‘පද්මාවත්’ චිත්‍රපටය මේ වන විට ලොවපුරා අතිසාර්ථක ලෙස ප්‍රදර්ශනය වෙමින් ඉන්දීය රුපියල් කෝටි 200කට ආසන්න මුදලක් දින කිහිපයකදී උපයාගන්නට සමත් විය.
‘පෑඩ් මෑන්’ චිත්‍රපටය තිරගත වන පෙබරවරි 09 වැනිදා දිනයේදීම සිද්ධාර්ත් මල්හෝත්‍රා, මනෝජ් බජ්පායි, රැකුල් සිං රංගනයෙන් දායක වෙන ‘අයියාරි’ චිත්‍රපටයද ප්‍රදර්ශනය වීමට නියමිතව ඇත. ‘අයියාරි’ චිත්‍රපටයද මීට පෙර ජනවාරි 25 වැනිදා ප්‍රදර්ශනය කිරීමට තිබූ චිත්‍රපටයක්ද විය. කෙසේ වෙතත්, චිත්‍රපටයේ ප්‍රධාන නළු චරිතයට පණ පොවන ආක්ෂේ කුමාර් මාධ්‍යයට පවසා ඇත්තේ තමා වඩාත්ම කැමත්තක් දැක්වූයේ ‘පෑඩ් මෑන්’ චිත්‍රපටය ජනවාරි 25 වැනිදා ප්‍රදර්ශනය කිරීමට බවය.
