නේහා ඩුපියාත් විවාහ වෙයි
ජනප්‍රිය බොලිවුඩ් චිත්‍රපට කිහිපයකම රඟපෑ නේහා ඩූපියා පසුගියදා විවාහය දිවියට එළැඹිය. 37 වැනි වියෙහි පසුවන ඇය විවාහ වූ සිය පාසල් කාලයේ සිට මිතුරෙකු වු අන්ගාඩ් බේඩි සමගය. ඉන්දීය ක්‍රිකට් ක්‍රීඩක බිෂන් සිං බේඩිගේ පුතෙකු වන ඔහු මේ වනවිට 35 වැනි වියෙහි පසුවේ. ජනප්‍රිය සිනමා හා ටෙලි නාට්‍යය නළුවෙකු වන අන්ගාඩ්, නේහා සමග ආදර සම්බන්ධයක පැටලී ඇත්තේ මීට සිවුවසරකට පෙරදී බව සඳහන් වේ.
අන්ගාඩ්, අමිතාබ් රඟපෑ ‘පින්ක්’, ෂාරුක් හා ආලියා රඟපෑ ‘ඩියර් සින්දගී’, කත්‍රිනා හා සල්මාන් රඟපෑ ‘ටයිගර් සින්දා හේ’ චිත්‍රපටහිද රංගනයෙන් දායක වී ඇත. ඉන්දියාවේ මෙන්ම ලෝක රූප රාජිණි තරග කිහිපයක් සඳහාම එක්ව ඇති නේහා මීට පෙර විවාහ ගිවිස ගෙන සිටි බවට තොරතුරු වාර්තා වි තිබුණි. ඒ ඉන්දීය කෝටිපති ව්‍යාපාරිකයෙකු සමගය.
YOU MAY ALSO LIKE
