දිපීකාගේ මිළඟ චිත්‍රපටය හොලිවුඩ් කොපියක්ද?
බොලිවුඩයේ අංක නිළිය ලෙස අදටද හඳුන්වන දිපීකා පදුකෝන් රංගනයෙන් දායක වන අලුත්ම බොලිවුඩ් චිත්‍රපටයේ අවසන් රූපගත කිරිම් පසුගිය සති අන්තයේදී ගෝවා නගරයේදී නිමාවට පත් විය. ශකුන් බාත්‍රා විසින් අධ්‍යක්ෂණය කරන මෙම චිත්‍රපටය සඳහා මේ වනවිට නමක් යෝජනා වී නොමැති අතර, චිත්‍රපටයට සම්බන්ධ අයෙකු පවසා ඇත්තේ 2005 වසරේ තිරගත වූ වූඩ් ඇලන්ගේ ‘මැච් පොයින්ට්’ හොලිවුඩ් චිත්‍රපටයට මෙය බොහෝ සමාන බවය.
‘මැච් පොයින්ට්’ චිත්‍රපටයේ ප්‍රධාන චරිතය සුපිරි හොලිවුඩ් නිළි ස්කාලට් ජොන්සන් විසින් නිරූපණය කළ අතර, එයද තුන්කොන් ආදර කතාවක් ඇතුළත් චිත්‍රපටයකි. ශකුන් බාත්‍රාගේ චිත්‍රපටයේ දිපීකා පදුකෝන් ප්‍රධාන චරිත නිරූපණය කරන අතර, සිධාන්ත් චතූර්වේදි හා අනන්යා පාණ්ඩේ රංගනයෙන් දායක වෙයි.
YOU MAY ALSO LIKE
